Siaradwyr
Siaradwyr Agoriadol
Meryl Gravell OBE
Mae Meryl Gravell yn cynrychioli adran etholiadol Trimsaran, Cydweli a hi yw Cadeirydd Bwrdd Gweithredol Cyngor Sir Caerfyrddin. Bu’n arweinydd Cyngor Sir Caerfyrddin er 1999 ac fe’i hetholwyd yn llywydd Cymdeithas Llywodraeth Leol Cymru yn 2004 a buan yr enynnodd barch ac edmygedd ei chydarweinwyr ar draws Cymru. Yn llefarydd Cymdeithas Llywodraeth Leol Cymru ar Iechyd, Iechyd y Cyhoedd a Gwasanaethau Cymdeithasol mae’n Gadeirydd Iechyd y Cyhoedd a’r Asiantaeth Wella ac yn gefnogwr brwd dros gael gwell gwasanaethau ledled Cymru i bobl sy’n agored i niwed. Mae wedi gweithio mewn cyswllt agos gydag Arolygiaeth Gofal a Gwasanaethau Cymdeithasol Cymru i wella perfformiad.
A hithau’n Ynad Heddwch sydd bellach wedi ymddeol ac yn Gadeirydd Fforwm Pentref Trimsaran, cafodd gydnabyddiaeth am yr hyn a gyflawnodd yn ei chymuned pan enillodd wobr ‘Cymraes y Flwyddyn : Menywod yn y Gymuned’ 1997. Ym 1999, cafodd ragor o gydnabyddiaeth pan ddyfarnwyd iddi MBE ac yn ddiweddarach, OBE.
Lansio Cymunedau sy’n Cydweithio
Siaradwyr Gwadd
John Bennet
John Bennett yw Rheolwr Gyfarwyddwr Pack-IT Group, menter gymdeithasol yng Nghaerdydd sydd wedi ennill nifer o wobrwyon. Yn entrepreneur cymdeithasol mae ganddo brofiad o weithio yn y DU a thramor yn helpu mentrau cymdeithasol i ddatblygu ac mae’n un o aelodau sylfaenol Social Firms Wales.
Mae’r busnes yn prysur dyfu yn frand byd-eang ac mae dau Pack-IT arall yn y DU a bydd Pack-IT Melbourne yn cael ei lansio yn 2010. Mae John wedi cael gwahoddiadau i siarad mewn sawl gwlad a ledled y DU ac mae wedi cymryd rhan yn Fforymau Byd Mentrau Cymdeithasol yng Nghaeredin a Melbourne ac yn ddiweddar yn San Francisco.
Yn aelod o Grŵp Cynghori’r Gweinidogion ar Fentrau Cymdeithasol Llywodraeth y Cynulliad, mae John yn aelod sylfaenol o Gynghrair Mentrau Cymdeithasol Cymru a bydd yn dechrau yn ei swydd yn Brif Weithredwr y sefydliad ym mis Gorffennaf 2010.
Kelvin Jones
Ymunodd Kelvin ag Ymddiriedolaeth Datblygu Gorseinon o Ymddiriedolaeth Datblygu Glyn Ebwy a’r Cylch, lle y bu’n Rheolwr a Phrif Weithredwr am fwy na 5 mlynedd. Yn ystod y cyfnod hwnnw cynorthwyodd sefydliad cymunedol bach i dyfu’n sefydliad oedd yn rhedeg nifer o fentrau cymdeithasol bach.
Rheolaeth amgylcheddol gymunedol yw cefndir Kelvin gan ei fod wedi gweithio i grŵp cynghori Farming and Wildlife (FWAG) a Choleg Amaethyddol Rodbaston yn Swydd Stafford, RSPB ac Ymddiriedolaeth Bywyd Gwyllt Gwent ar nifer o raglenni amgylcheddol cymunedol.
Wedi symud i Orseinon yn 2006 cynorthwyodd yr Ymddiriedolaeth i ddatblygu ei gweledigaeth, diffinio ei strategaeth gyllido yn sgil dirywiad y grantiau a phan ddaeth yn amlwg nad oedd yr ardal yn gymwys i fod yn rhan o broses Cymunedau yn Gyntaf, a datblygu polisïau a gweithdrefnau i alluogi’r ymddiriedolaeth i ddod yn gynaliadwy.
Gwnaed penderfyniad dewr gan ymddiriedolwyr Canolfan Gorseinon i ddefnyddio’r ganolfan i ddatblygu ffrydiau creu incwm drwy redeg mentrau cymdeithasol o’r adeilad.
Mae hynny wedi arwain at nifer o ffrydiau incwm drwy
- Meithrinfa ddydd Trusting Hands
- Caffi Zest
- Cyfleusterau hyfforddiant a chynadledda Canolfan Gorseinon a
- Rheoli lle gwaith ar gyfer busnesau lleol newydd a rhai sy’n ehangu
Mae hyn wedi galluogi’r Ymddiriedolaeth i greu incwm sy’n 90% o’i throsiant a chreu 37 o swyddi llawn amser a rhan amser
Er mwyn mynd i’r afael â’r 10% sy’n ddiffygiol ac oherwydd diffyg lle a’r gallu i greu incwm mae’r Ymddiriedolaeth yn cynnig
- Rhagor o lefydd gweithio a reolir mewn cydweithrediad â busnes lleol fydd yn agor ym mis Mai 2010
- Datblygu meithrinfa ychwanegol yng nghanol dinas Abertawe (mewn partneriaeth ag elusen leol)
- Helpu i ddatblygu mentrau i gefnogi cynhyrchwyr bwyd lleol yn yr ardal (yn dilyn llwyddiant gwyl fwyd gyntaf Gorseinon).
Bydd datblygu’r mentrau hyn yn galluogi’r ymddiriedolaeth i ddod yn gynaliadwy
Mae’r gwaith cynllunio eisoes wedi dechrau ar greu swyddi gwyrdd yn y dyfodol
Jonothan Gaunt
Mae Trysordy, Canolfan Adnoddau Cymunedol, yn cyfoethogi darpariaethau chwarae, creadigrwydd ac adsefydlu ar draws Dyfed… …yn cefnogi anghenion personol, yn ymwneud â diddordebau, yn rhai galwedigaethol neu er datblygu gyrfaoedd yn ogystal â digwyddiadau / prosiectau cymunedol.
Yn sefydliad aelodaeth dielw, Trysordy yw’r cwmni budd cymunedol cyntaf yng Nghanolbarth a Gorllewin Cymru. Mae ganddo 4 cyfarwyddwr, 4 staff rhan amser, tîm o 20 o wirfoddolwyr ynghyd â 30 o sefydliadau rhanbarthol cefnogol yn cynrychioli chwarae, creadigrwydd, yr amgylchedd, adsefydlu, addysg blynyddoedd cynnar, gwirfoddoli ac anghenion arbennig.
Mae ganddo 1300 o aelodau (unigolion, teuluoedd a grwpiau), yn cynnwys Cylchoedd Chwarae a Gweithwyr Chwarae; Ysgolion; Meithrinfeydd; Myfyrwyr; gweithwyr Celf/Crefft; Anghenion Arbennig a sefydliadau Amgylcheddol, Ieuenctid a Chymunedol. Mae aelodaeth yn caniatáu mynediad i ddeunyddiau a gwasanaethau rhad (a ddechreuodd ym mis Ebrill 2007) yn cynnwys;
- Ystod eang iawn o ddeunydd ‘sgrap’ anarferol sy’n lân a diogel a roddwyd gan fusnesau; (megis deunydd pacio, deunydd dros ben o broses weithgynhyrchu, stoc sydd wedi dod i ben)
- Deunyddiau Celf a Chrefft (i’w defnyddio gyda’r sgrap i wneud pethau);
- Offer i’w logi (i ddatblygu digwyddiadau ar gyfer teuluoedd neu grwpiau);
- Llyfrgell yn cynnwys llyfrau anarferol yn ymwneud â’r amgylchedd, addysg a chrefftwaith;
- Ystafelloedd i’w llogi (ystafell hyfforddi fawr, cegin, gweithdy crefftau, gardd);
- Ystod eang o weithdai a gweithgareddau ar sgiliau creadigol yn ymwneud â chelf /crefft, garddio, coginio, sgiliau mentrau cymdeithasol ac addysg amgylcheddol.
Tel: 01267-231980 info@trysordy.org.uk www.trysordy.org.uk
Daniel Sims
Sefydliad cymunedol i ailddefnyddio nwyddau yw FRAME a sefydlwyd er mwyn darparu amgylchedd gwaith real ond cefnogol i unigolion sydd â salwch meddwl neu’n sy’n gwella o salwch meddwl. Bellach mae’n darparu ei wasanaethau i bobl sydd ag amrywiaeth o wahanol anableddau gan gynnwys hefyd y rheiny yr ystyrir eu bod wedi’u hallgáu’n gymdeithasol. Mae FRAME yn cynnig cyfle ymarfer gwaith, hyfforddiant a chyflogaeth i ddefnyddwyr y gwasanaeth; yn eu cefnogi ar eu taith tuag at waith cyflogedig naill ai’n fewnol yn FRAME neu yn y farchnad waith ehangach.
.jpg)
Dan McCallum – Awel Aman Tawe
Dan McCallum yw Rheolwr Awel Aman Tawe (AAT) y fenter gymdeithasol sy’n ymwneud ag ynni adnewyddadwy, effeithlonrwydd ynni a phrosiectau amgylcheddol yn Ne Cymru. Mae AAT hefyd yn cynnig gwasanaeth Swyddog Datblygu Technegol i raglen Ynni’r Fro yn ardal y Cymoedd er mwyn datblygu ynni adnewyddadwy cymunedol. Awgrymiadau i ddatblygu fferm wynt gymunedol a wnaed mewn cyfarfod cyhoeddus o Agenda 21 Lleol yn 1998 roddodd gychwyn i Awel Aman Tawe. Cafwyd caniatâd cynllunio ar gyfer y fferm wynt 4MW ym mis Mai 2009.
