Cynhelir y ffair ar Faes Sioe y Siroedd Unedig ar gyrion Caerfyrddin. I weld map cliciwch ar y cyswllt yma.
Oherwydd ei fod yn ddigwyddiad rhanbarthol, mae'r partneriaid yn awyddus i sicrhau ei bod mor hwylus â phosibl i unrhyw un yn yr ardal ddaearyddol fawr hon gyrraedd y lleoliad. Rydym eisoes wedi bod yn trafod cynllun rhannu ceir gyda swwitch2share ac rydym hefyd yn ystyried defnyddio rhaglenni/cynlluniau trafnidaeth gymunedol yn ogystal â thynnu sylw at y cyfleoedd sydd ar gael o ran trafnidiaeth gyhoeddus. Mae cynlluniau hefyd ar waith i ddarparu gwasanaeth bws gwennol o dref Caerfyrddin i'r ffair.
ABERTAWE - TREFNIADAU CLUDIANT: I sicrhau bod modd ichi gyrraedd y digwyddiad, bydd SCVS yn trefnu cludiant di-dâl i bobl o ardal Dinas a Sir Abertawe drwy ddarparu bysiau penodedig yn ystod y dydd. Cysylltwch ag SCVS drwy ffonio 01792 544000 neu ebostiwch scvs@scvs.org.uk erbyn 14eg Chwefror i gofrestru eich diddordeb gan roi eich enw, enw eich corff/mudiad (os yw’n briodol), sawl lle sydd ei angen arnoch a’ch manylion cysylltu. Dylech nodi taw hyn a hyn o lefydd sydd ar gael a byddwn yn cysylltu â chi cyn y digwyddiad i gadarnhau eich lle.
 |
 |
